Eaeaki inabangan ag binunae it angle bar sa ueo

Kalibo, Aklan – Lastro sa ueo rong naangkon it sangka eaeaki matapos nga bunaean it angle bar kaina sa Brgy New Buswang, Kalibo, Aklan.
Ro biktima nakilaea kay Leonil Apolinario Juanito, 28-anyos samtang rong ginaturong suspek hay nakilaea kay certain “Bong Bong Batoy” parehong mga residente it nasambit nga lugar.
Base sa imbestigasyon it Kalibo PNP nga rayang biktima hay binunaean it angle bar kung suspek bangud sa anda man dating bagina.
Samtang suno mat-a sa biktima nagapaadto ra imaw kaina sa baeay it andang punong barangay para kunta sa nakataeanang husay sa Biyernes hanungod sa reklamo nanda tag imaw ra hay gin abangan it suspek ag hinanot it angle bar sa ueo.
Matapos rong insidente hay madasig nga naeagyo rong suspek samtang rong biktima hay gindaea sa hospital para nga mataw-an it nagakaigo nga pagbueong.
Sa makaron hay padayon pa nga gina usoy it mga kapulisan ro nasambit nga suspek.

Facebook Comments