Ibajay, Aklan — Uwa eon it kabuhi tag masapwan rong sangka eaeaki nga nakabitay sa Brgy. Tagbaya, Ibajay, Aklan ko Sabado it hapon.
Ro biktima nakilaea kay Rodelio Bareliano, 37- anyos taga Fragante, Pandan, Antique ag presente nga naga istar sa Brgy. Tagbaya bangud sa anang trabaho.
Suno kay PO1 John Franzil Roga it Ibajay PNP, nga nasapwan ro biktimang naga bitay ko anang amo nga si Leoven Castro tag imaw ra nagpugo it anang binuead.
Ro biktima hay nagbigti sa sueod mismo it anang gina istaran nga payag kung sa siin gamit na rong kaeat nga plastic nga ginhigot sa baeayan ko payag.
Gintinguhaan pa raya nga i-revive matapos nga ginpapanaog sa pagbitay ugaling uwa eon gid matabangi pa.
Sa imbestigasyon it Ibajay PNP, nasayuran nga rong biktima hay may daywang dag-on eon nga gin aywan ko anang asawa ag sumunod sa ibang eaeaki.
Baton man ko pamilya it biktima nga imaw ra nagbigti.
