Banga, Aklan — Desidido makaron nga magpasaka it kaso rong sangka meyembro it 12th IB Phil. Army nga naka base sa Camp Jizmundo, Libas, Banga, Aklan kuntra sa lima ka mga suspek nga nagbakoe kana samtang imaw ra una sa sueod it 7 Eleven sa Poblacion, Banga.
Ro biktima nakilaea kay Cpl. Edjel Villasis y Mendoza, 30-anyos, taga Jamindan Capiz ag naka assign iya sa Aklan.
Suno kay PO3 Mario Sistorias it Banga MPS nga samtang rayang si Cpl. Villasis hay halin sa sangka birthday party sa Brgy. Tabao, Banga pabalik sa kampo hay nag agi sa 7 Eleven ag nagkaon it siopao tag gulpi eang nga sumueod ro lima ka mga kaeaeakin-an ag imaw ra binakoe nga uwat rason.
Nakilaea ro mga suspek pinaagi man sa CCTV footage it nasambit nga establisyemento nga sanday: Leonides dela Cruz, 28-anyos; Robert Javier, 31-anyos; Andrew Romaquin, 42-anyos; Archie Romaquin, 28-anyos ag Mark Romaquin, 30-anyos tanan residente it Brgy. Ugsod, Banga nga puro mga hilong tag matabo rongt insidente.
Eagi man ra sanda nearest ko Banga PNP ag makaron hay detained sa lock up cell.
Nakataeana man nga iga inquest ro nasambit nga mga suspek makaron nga adlaw sa kasong physical injuries.
