Kalibo, Aklan – Daywa ka mga tama it pagbuno sa likod rong naangkon it sangka eaeaki matapos nga mabun-an kaina it aga-aga sa Sitio Libtong, Estancia, Kalibo, Aklan.
Rong biktima nakilaea kay Jimby Fernandez Bitos, 18-anyos it nasambit nga lugar.
Sa report it Kalibo PNP naga guwa sa andang imbestigasyon nga rong suspek nga nakilaea kay Junices Bañes Dela Cruz alyas “ Jun Jun”, 27-anyos hay ginbayo si Jhon Rabe Magbiro samtang nagapamantaw it sad-sad.
Matapos ro pagpamayo si Magbiro hay nagsugid sa grupo ni Prince Ogung Fernandez ag kaibahan kara rong biktima nga si Bitos ag tag ana nga ginkompronta rong suspek hay naakig raya ag binayo si Bitos kon sa siin nagtuhaw rong pag ilinaway sa tunga ko mga nasambit nga persona.
Rong suspek hay armado it siyaw ag sanda ra nagdueomogan kung sa siin nabun-an ro biktima.
Matapos rong insidente hay madasig man nga nagpaeagyo rong suspek.
Insigida man nga gindaea rong biktima sa Aklan Provincial Hospital.
Sa makaron hay nagapadayon rong follow up operation ko mga kapulisan sa posibilidad nga pagkaaresto it suspek.
