Eaeaki nahabakoen ag linabo it anang kainuman

11

Numancia, Aklan – Multiple hack wounds rong naangkon it sangka eaeaki matapos nga mabakoean ag maeab-an it anang mga nakainuman kabii sa Brgy Marianos, Numancia, Aklan.
Rong biktima nakilaea kay Jonathan Peñaflor, 29-anyos samtang rong mga suspek nakilaea kanday Noel “Tiboy” Bueno, 42-anyos ag Aljun Santidad, 21-anyos tanan residente it nasambit nga lugar.
Sa pakikipag-angot it RMN sa nanay it biktima nga kabii hay nag-adto ro anang unga sa birthday sa andang kaeapit ag nakipag-inuman man sa mga suspek bangud nga ana man rayang barkada.
Samtang naga inum-inum hay nakaangkon it uwa pagka intindihanan sa tunga nanda kung sa siin umuna lang it uli ro biktima.
Dugang pa gid it nanay nga nag-adto sa andang baeay si Aljun ag gina usoy ro anang unga, akig ag nagapang-ayat it away pero uwa pa ro biktima sa andang baeay.
Papanaw eon kunta si Aljun tag umabot man ro biktima ag umabot sa punto nga nag aeayatan ag nagbaeaywan tapos umabot man si Tiboy nga may daeang sanduko ag ginlinabo ro biktima.
Matapos rong insidente hay madasig nga naeagyo rong mga suspek ag insigida mat-a nga gindaea sa hospital rong biktima.
Samtang sa pag follow up ko mga taga Numancia PNP hay naaresto mn rong daywa ag makaron hay detained sa lock up cell ag magapangatubang it nagakaigo nga kaso.

Facebook Comments