Eaeaki patay matapos bakueon

26

Batan, Aklan – Patay rong sangka eaeaki matapos nga bakueon it anang kaibahan sa inuman ko Sabado it gabii sa Sitio Bueak, Brgy. Camanci, Batan, Aklan.
Rong biktima nakilaea kay Richard Bautista, 48-anyos, residente it nasambait nga barangay samtang rong mga suspek hay nakilaea nga sanday Marvin Hermoso, 21-anyos ag Lester Hermoso, 19-anyos tanan residente it Brgy. Angas sa nasambit nga banwa.
Base sa report nga ko Sabado it gabii rayang bitkima ag mga suspek hay parehong sa birthday party nag inum-inum ag ko ulihi gina alegar nga gintutokan it biktima rong mga suspek it uwa masayuri nga kalebre it baril.
Tag maga uli eon kunta rong biktima hay inunahan ra imaw it mga suspek ag inabangan sa madueom nga porsyon it daean ag binunaean raya it kahoy sa ueo ag gintinueop nga gintunaan ko anang kamatayon.
Insigida man nga naaresto rong mga suspek ag makaron nga adlaw nakataeana nga iga inquest sa kasong murder.


Facebook Comments