Makato, Aklan – Uwa eon nakaabot pa nga buhi sa hospital rong sangka eaeaki matapos nga makuryente kaina it agahon sa Brgy. Calimbajan, Makato, Aklan.
Nakilaea rong biktima kay John Carlo Tubal Piano, labourer sa legal nga edad ag residente it Brgy. Castillo sa nasambit nga banwa.
Base sa imbestigasyon it Makato PNP nasayuran nga rayang biktima hay nagputoe it sangka it kahoy sa compound kung Dr.Ramon B.Legaspi Sr.National Highschool kung sa siin nahasaplid na rong linya it kuryente ag imaw nakuryente.
Matapos nga makuryente hay nahueog pa raya sa puno it kahoy.
Nahadaea pa sa hospital ro biktima pero gindeklara nga dead on arrival it anang attending physician.
Facebook Comments
