Duha ka Pinoy, patay matapos mabunggoan sang tren sa New Zealand

107

New Zealand- Patay ang duha ka Pinoy workers samtang pilason ang tatlo ka iban pa sang mabunggoan sang tren ang ginasakyan sang mga ini sa New Zealand.
Suno kay Ambassador Jesus Domingo, Philippine Ambassador to New Zealand, natabo ang insidente alas 8:15 sang aga samtang nagatabok ang mga biktima sa railway.
Ginahibalo pa sa subong sang mga otoridad kun anu ang kabangdanan sang bungoanay ukon nagka-aberya ang warning sign antes ang insidente. Dugang sa pahayag sang Ambassador, sang nakaligad gid lamang nga semana nag-abot sa New Zealand ang mga biktima kag nagatrabaho bilang taga-harvest sang prutas. Nagpromisa naman ang embahada nga buligan ang mga biktima kag pamilya sang mga ini.

Facebook Comments

From Advertisers