Makato, Aklan – Uwa eon makaabot pang buhi sa Aklan Provincial Hospital rong sangka eaeaki matapos nga mahueog sa suba aag naeomos kabii sa Sitio Pang-pang, Brgy. Calangcang, Makato, Aklan.
Ro biktima nakilaea kay Rolito Tambong, mga 43-anyos rong pag edaron ag residente man it nasambit nga lugar.
Suno kay PSMS Ariel Naral it Makato PNP naga guwa sa andang imbestigasyon nga rayang biktima hay nagtabok sa eatayan nga butong ag nahueog.
May nakabati nga may nag eagapak sa suba ag makataliwan rong limang minuto anda nga gintan-aw ag nakita rong biktima nga nagakueob.
Gin respondehan it mga taga MDRRMO Makato, ginpatakas ag gin CPR pero uwa eon naga response rason nga gindiretso eon lang sa hospital pero gin deklara man raya nga dead on arrival.
Bago pa man natabo rong insidente hay napan-uhan eagi rong biktima nga nagadupas dupas ag naka inum.
