Search Warrant gin apply sa sangka panimaeay sa Brgy. Tibiawan, Makato, 4 ka mga bala na recover

26

Makato, Aklan – Ap-at ka mga bala it kalibre 38 rong na recover it mga kapulisan sa sangka panimaeay sa Brgy. Tibiawan, Makato, Aklan matapos nga raya hay gin aplayan it search warrant kung Makato PNP.
Rong subject person sa nasambit nga search hay si Jhensel Tropa, 29-anyos it nasambit nga lugar.
Natigayon ro pag-apply it nasambit nga search warrant suno kay PMaj. Bellshazar Villanoche rong Chief of Police it Makato PNP matapos nga maabo eong reklamo ro andang nabaton angot sa nasambit nga persona nga nagapinaeopok it baril kon raya hay naka inum ag may gintutokan pa nga sangka Kagawad ag sangka maestra samtang naga agi.
Nabiktima man rayang si Tropa it accidental firing ko ana mismong baril ag nakaangkon it tama sa siki.
Bangud sa nasambit nga mga report hay ginpaidaeom raya sa monitoring ko mga taga Intel Operatives it Makato PNP ag natigayon nga na isyuhan it search warrant.
Uwa man na recover rong gina sugid nga calibre 38 it suspek nga raya ro anang ginapakita-kita nga armas.
Apisar nga uwa ma recover ro baril magapangatubang gihapon it kasong pagbayolar sa R.A. 10591 ukon Comprehensive Law on Firearms and Ammunitions.
Ginpamalibaran man it suspek ro mga alegasyon kontra kana nga pagpinaeopok na it baril kundi suno kana hay “boga” eamang nga ginapaeopok it mga unga ro andang nababati-an.
Sa makaron hay detained sa lock up cell it Makato PNP si Tropa samtang ginapahaum rong pagpasaka it kaso kuntra kana.

Facebook Comments

From Advertisers