Davao City – Gipaniguro sa militar nga dili makapanghasi ang New People’s Army (NPA) sa katawhan kinsa moboto atol sa eleksyon karong Mayo 9, 2022.
Sumala ni LtGen. Greg Almerol, Eastern Mindanao Command (EastMinCom) Commander huyang na ang pwersa sa komunistang rebelde tungod sa daghang mga nisurrender ug lakip na mga armas.
Segun ni Almerol nagpabiling taas ang ilahang alerto aron masigurong walay mahitabong kasamok ilabina sa mga gi-identipikang areas of concern sa eleksyon.
Hugot usab silang makigkoordinar sa ilahang security counterparts una, atol ug human sa eleksyon.
Gipanganti sa EMC nga mamahimong malinawon ang pagboto sa katawhan sa mga polling precincts nga walay kahadlok, intimidation ug manipulation.
RadyoMaN Aimee Guinita
Facebook Comments
