PNP walay natalang insidente sa baha sa Marilog

35
Davao City – Gibutyag sa Marilog Police Station nga walay natalang mga insidente o disgrasya tungod sa nahitabong pagbaha kagahapon sa hapon (Abril 26, 2022) tungod sa kusog nga pag-ulan.

Sa interbyu sa DXDC RMN Davao kang Police Staff Sergeant (PSSg) Jannery Asilum sa Marilog PNP, gibutyag niini nga niabot sa Code Red (Critical Level) ang ilang kasapaan apan nag-subside ra usab ug wala nay mga residente nga nahikling sa evacuation centers.

Sumala ni Asilum sagad nilang ginamonitor ang mga residente partikular na kadtong anaa duol sa New Sabang ug Pagan Grande sa Marilog area.

“Manawagan ko sa lumulopyo sa Marilog District nga kanunay’ng pagbantay sa atong sapa ug (pag-monitor) sa social media kung unsay kuan (dagan), (ugaling) mutaas ba gyud ang tubig,” panawagan ni Asilum.

Sa monitoring sa Davao City Disaster Risk Reduction and Management Office (CDRRMO), adunay pagtaas sa tubig sa Suawan River kagahapon ingon man sa Tamugan River ug uban pang Davao River channels, rason nga padayong gialerto ang publiko sa sitwasyon.

RadyoMaN Kirby Manzon

Facebook Comments