Davao City- Gilauman na sa Davao City Overland Transport Terminal (DCOTT) ang pagdugok sa tao nga mubyahe karong kapaskuhan.
Segun ni DCOTT manager Aiza Usop nga bisan pa man kun normal gihapon ang dagan sa kalihukan sulod sa terminal, gipataas na nila ang alerto alang sa seguridad niadtong mga byahedor.
Karong adlawng Lunes di pa kaayo daghan ang mga pasahero sulod sa terminal apan gi-ekspektar nga pinakadaghang tao ang mubyahe karong Biyernes busa gipasalig sa DCOTT nga adunay igong ihap sa mga bus nga kaya nga mo-accommodate sa tanang pasahero.
Subay niini, gimanduan ni Police Regional Office (PRO-XI) Director Chief Supt. Manuel Gaerlan ang kapulisan sa rehiyon nga i-intensify ang pagbantay sa seguridad sa mga terminal sa bus karong yuletide season.
RadyoMan Aimee Guinita
