Pagalauman nga magahinay ang pagtin-ad sang ekonomiya subong nga tuig bangud sa pagkadelatar sang pag-apruba sang 2019 national budget.
Suno kay Finance Secretary Sonny Dominguez, masyado na nga alang alang ang pagpasar sang Kongreso sa budget bangud magasugod na ang election ban para sa konstruksyon sang mga proyekto.
Posible pa nga magamit ang national budget sa second half sang 2019 ukon pagkatapos sang election spending band rason nga indi pa pwede ma-award ang mga kontrata sa karon.
Paathag ni Dominguez, apisar sang report nga natapos na ang budget impasse sa tunga sang mga senador kag kongresista, magalab-ot pa sang duha ka semana antes mapatuman ang General Appropriations Act.
Para sa kada adlaw nga delay bangud sini suno sa iya, yara sa P500 million ang buhin sa fiscal stimulus nga magamit pa kun tani sa Build, Build, Build program.
Sa yearly estimate sang National Economic and Development Authority, magalab-ot lang sa 6.1 – 6.3 percent ang GDP growth sang pungsod gikan sa target nga 7 to 8 percent kun mapatuman ang budget sa bulan sang Abril. /rcsg
