Padayon nga ginapamilit sang mga economic managers ni Presidente Rodrigo Duterte nga maayo ang dalagan karon sang ekonomiya sang pungsod sa pihak sang pagtaas sang presyo sang nagapanguna nga mga balaklon.
Ginpahayag ni Trade Secretary Ramon Lopez nga apisar nalista ang 5.4% nga inflation rate sang damlag lang apang temporaryo lamang ini.
Suno kay Lopez nga matuod nga may mga balaklon nga nagtaas ang presyo apang 85% sang mga produkto sa merkado ang nagapabilin naman sa daan nga presyo kabangdanan makabig sa gihapon nga “stable”.
Kadungan sini, ginpamilit ni Lopez nga nagapanguna nga rason sang pagtaas sang presyo sang mga balaklon ang paghulag sang presyo sang mga produktong petrolyo nga naka-apekto sa madamo nga industriya.
Dugang pa kuno ang pag-ulan sa karon kabangdanan mabudlay magbiyahe sang mga produkto sa mga merkado kabangdanan apektado ang supply bagay nga nagtaas man ang presyo sang mga balaklon kasubong sang mga agricultural products.
(photo from web)
