Davao City – Gitin-aw sa Department of Social Welfare and Development (DSWD) XI nga ang basehan sa 2nd tranche sa Social Amelioration Program mao ang areas nga gipailawom sa ECQ niadtong Mayo.
Sumala ni DSWD XI Information Officer Kristelle Cagatin sa interbyu sa RMN Davao nga makadawat ang mga kwalipikadong benepisyaryo sa Davao City tungod kay ang syudad nalang ang naka-ECQ niadtong bulana bisan pa man karon nga anaa na sa Modified General Community Quarantine (MGCQ) ang syudad.
“Sa 2nd tranche nato sa bulan sa Mayo ang basehan which is Davao City na lang ang gi-declare sa National Inter Agency Task Force nga nag-ECQ ta sa bulan sa Mayo mao ng makadawat gihapon bisan MGCQ na ta kay again atong gilantaw ang period sa Mayo,” segun ni Cagatin.
Gibutyag ni Cagatin nga wala pay petsa sa releasing sa 2nd tranche sa SAP ug gitataw niini nga ang priority nga mahatagan sa ayuda ang mga waitlisted o additional nga mga benepisyaryo.
RadyoMaN Aimee Guinita
