Davao City – Usa ka babaye ang nagpositibo sa COVID-19 human gipa-ilawom sa swab test niadtong adlawng Miyerkules (July 1, 2020) ang 17 ka mga indibidwal gikan Purok Salvacion Brgy. Agdao Proper, syudad sa Davao.
Sa pakighinabi sa DXDC RMN Davao kang Brgy. Agdao Proper Liaison Officer Janet Villar giingon niini nga usa 26 anyos nga babae ang nagpositibo sa COVID-19 ug residente sa nasangpit nga Barangay.
Matud ni Villar, gi-isolate na ang maong babaye ug anaa sa Southern Philippines Medical Center (SPMC) samtang ang pamilya gipa-ilawom na sa quarantine sa ilang pinuy-anan ug suportado’g pagkaon sa Barangay.
“Ginasuportahan namo tanan maskin negative na ug nauli na, naa man silay quarantine nga 14 days gina-ayudahan namo’g bugas,” segun ni Villar.
RadyoMaN Don Pulayao
