Davao City – Istriktong ipatuman sa kapulisan sa Davao Oriental ang guidelines sa pagpailawom sa probinsya sa Enhanced Community Quarantine (ECQ) sugod September 8 hangtud September 21, 2021 tungod sa nagkataas nga kaso sa Coronavirus Disease 2019 (COVID-19) sa lugar.
Sa interbyu sa DXDC RMN Davao kang Police Colonel Efren Orlina, Director sa Davao Oriental Police Provincial Office, gibutyag niini nga kadtong ‘essential’ o importanteng lakaw lamang ang gitugotang lihok sulod sa probinsya.
Samtang, istriktong susihon sa awtoridad ang mga musulod sa Davao Oriental o bisan kadtong muagi lang sa lugar padulong sa ubang destinasyon.
“Halimbawa, dadaan dito ang galing sa Region 13, dadaan lang dyan sa may parte ng Boston pag hindi po siya essential kasi hindi niya naman alam, dadaan lang siya. Ipa-plug down po siya ng checkpoint natin, hahanapan sya ng RT-PCR test. Kung wala po, hindi sya makakadaan,” tataw ni Orlina.
Ipatuman usab sa probinsya ang 24-hour liquor ban, samtang, gi-adjust usab ang curfew hours nga kanhi alas 10:00PM, karon sa alas 8:00 na sa gabii magsugod ngadto sa alas 5:00 sa buntag.
Ginahulat na lamang ang Executive Order (EO) nga ipagawas ni Davao Oriental Governor Nelson Dayanghirang alang sa kumpletong guidelines nga maoy sumbanan sa publiko sa pagpatuman sa ECQ.
RadyoMaN Kirby Manzon
