Giangkon sa Philippine Drug Enforcement Agency-7 nga yanong nakasud ang “ecstacy” nga druga dinhi sa nasud gikan sa mga nasud sa Uropa , agi sa mga tugpahanan ug pantalan dinhi sa nasud .
Lakip usab nga nakasud ang maong matang sa party drug dinhi sa Central Visayas .
Ang direktor sa PDEA-7 nga si Atty. Wardley Getalla nibutyag nga sigun sa ilang monitoring gikan sa Netherlands ang maong matang sa ilegal nga drugas ug giingong gisagol sa mga legal nga tambal dihang gipalusot kini sa nasud .
Usa ang Sugbu sa mga gipadukngan sa ecstacy tungod kay daghan ang mga kustomer dinhi subay sa daghang mga kalingawan sama na sa kaulohan .
Facebook Comments
