Davao City – Taliwala sa pagkansela sa Ed al-Fitr mass gathering sa mga Muslim, mahinayon gihapon ang Eid al-Fitr Prayer via broadcast karong Dominggo, Mayo 24, 2020.
Sa interbyu kang Davao City Mayor Sara Duterte-Carpio gibutyag niini nga usa ka dakong panagtigom ang Ed al-Fitr rason nga gikansela kini subay sa Omnibus Guidelines sa Inter-Agency Task Force (IATF) diin gi-discourage ang religious gatherings sa mga lugar ilawom sa General Community Quarantine (GCQ).
“Kanang Ed al-Fitr is a big big celebration so maka-expect gyud ta’g mass gathering. So kinahanglan gyud nato i-remind ang atoang mga kaigsoonang Dabawenyo of the Muslim faith nga cancelled po ang atoang Ed al-Fitr mass prayer,” saysay ni Sara.
Madunggan ang Eid al-Fitr Prayer ug Khutbah alas-7 sa buntag hangtud alas-8 sa buntag karong Dominggo sa city-owned radio dinhi sa syudad sa Davao.
RadyoMaN Kirby Manzon
