Davao City – Ang Edsa Revolution usa sa dakung istorya sa kasaysayan sa Pilipinas nga nakabaton sa klase-klaseng reaksyon ingon man panglantaw gikan sa katawhang Pilipinhon.
Niadtong higayona gipakita sa nagkadaiyang sektor sa pagpanguna ni Pres. Cory Aquino ug mga kakaubanan ang ilang tingog ug gahum didto sa Edsa nga maoy migun-ob sa lig-ong pader sa rehimeng Marcos.
Sumala ni Hope Fernandez, Lead Convenor sa Mindanao Peace Council nga walay rason aron dili hatagan og bili sa mga Pilipino ang komemorasyon sa Edsa Revolution bisan og kapin 30 ka tuig na kini nahitabo.
Segun ni Fernandez nga gumikan sa Edsa Revolution subling nabuhi ang demokrasya ug kagawasan sa nasud nga gipatay ug gihikaw matud pa sa diktadoryang rehimen sulod sa kapin duha ka dekada.
Kapin tulo na ka dekada miagi sukad gi-uyog ang Pilipinas og Edsa Revolution sa mga tawo nga buot mu-ilog sa paggamhanan gikan kang Marcos, apan ang pangutana kumusta na ba ang nasud? Unsa na ba kalayo ang naabtan sa Pilipinas karon kung itandi sa panahon ni Marcos?
Gumikan sa Edsa Revolution, dugang ni Fernandez, kuyanap ang kurapsiyon sa tanang buhatan sa kagamhanan, kuyanap ang insurhinsiya, naapil ang Pilipinas sa listahan sa Third World country kun kabos nga mga nasud sa kalibutan kung ikumpara sa panggaboyerno ni Marcos.
Dugang ni Fernandez nga anungon ang mga oportunidad nga na-usik sa katarungan nga ang mga mipuli sa gahum human sa Edsa Revolution wala makasustiner sa golden years sa nasud panahon ni Marcos tungod sa mga pulitiko karon nga ang giuna mao ang ilang personal interest kay sa katawhan.
Samtang pikas bahin, gipadayag ni Fernandez nga supak kini nga ipaagi sa lihok protesta ang pagtanggal sa mga namuno sa kagamhanan imbes nga ipaagi kini sa sistema ug proseso sa eleksyon.
RadyoMaN Joel Viray
