Isip hinanaling aksyon sa Police Regional Office 13 sa gikabalak-an sa social media ang Momo challenge nga naghatag ug kadelikado sa mga kabataan, kagahapon usa ka seremonyas sa pagsunog sa Momo effigy ang gipahigayon sa Libertad National High School nga gipangunahan ni P/BGen. Gilberto DC Cruz.
Gatusan ka mga estudyante gikan sa Grade 5 hangtud Grade 12 sa nasangpit nga tulunghaan ang misaksi sa seremonyas kaubanm ang mga magtutudlo, pipila ka mga ginikanan ug kwerpo sa kapulisan.
Nagpagawas ug video presentation ang kapulisan aron masayran kung unsay pamaagi sa Momo challenge ug aron usab dili na madani ang mga kabataan.
Pinaagi sa “awareness campaign” sa kwerpo sa kapulisan, malaumon si P/BGen. Cruz nga wala mabiktimang kabataan dinhi sa rehiyon niining Momo challenge. [image: momo 3.jpg]
