Davao City – Estriktong i-monitor sa Davao City Police Office (DCPO) ang mga mosque sa syudad sa Davao sa pagselebrar sa Eid’l Fitr o aktibidad pagtapos sa Ramadan karong adlawa (Mayo 13, 2021) sa pagsegurong walay mahitabong mass gathering aron paglikay sa Coronavirus Disease 2019 (COVID-19).
Sa interbyu sa DXDC RMN Davao kang Police Colonel Kirby John Kraft, DCPO Director, gi-awhag niini ang mga kaigsoonang Muslim nga himuon ang aktibidad sulod sa panimalay ilabi na nga aduna gihapoy gipatumang community quarantine tungod sa pandemic.
Kini usab ang advisory sa Department of Health (DOH) sa Muslim Community nga kung moadto man sa ilang simbahan, estrikto nilang ipatuman ang physical distancing, pagsuot og face mask ug face shield aron malikayan ang risgo sa COVID-19 transmission.
“Pwede lang po i-celebrate nila (Muslims) with their family members nalang po. Unlike po before na naga-gathering po sila, ngayon po bawal po ‘yon,” segun ni Kraft.
Gibutyag ni Kraft nga pagsugod pa lamang sa Ramadan aduna nay naka-deploy nga mga personahe sa kapulisan sa pagsegurong mapatuman ang health and safety protocols batok COVID-19 panahon sa ilang pag-ampo o aktibidad.
RadyoMaN Kirby Manzon
