Malaybalay City, Bukidnon – Nagtoo si Senador Sherwin Gatchalian nga dili apektado sa Martial Law extension ang national economy maong iyang gipaboran ang pagpalugway sa balaod militar sa Mindanao hangtod December 31, 2018.
Sa interview sa RMN Malaybalay ngadto kang Senador Gatchalian gibutyag niini nga sa ilang gihimong briefing napamatud-an matud pa nga dili apektado ang ekonomiya sa nasud sa gipatuman nga balaod militar sa Mindanao.
Gi-ingon ni Gatchalian nga migawas nga nahimong stable ang economic growth, ihap sa mga nag-negosoy ug trabaho luyo pagpatuman sa martial law.
Dugang pa sa senador, mitaas usab ang credit rating sa Pilipinas nga gi-ingong politically stable ang nasud nga pamatuod nga dili apektado sa martial law ang atong ekonomiya.
