Ginbasol ni pangulong Rodrigo Duterte ang terorista nga grupo nga New Peoples Army nga amo ang nagapanguna nga kabangdanan kon nga-a wala nagasanyog ang ekonomiya sa sektor sang agrikultura.
Ini ang ginhatagan pagtamod ni pangulong Duterte sa iya paghambal sa paglunsar sang Corn and Rice Blend Program sang Department of Agriculture.
Ginpahayag sang presidente nga kinahanglan mauntat na ang extortion activities kag pagpangsunog sang mga rebelde nga NPA sa mga makinarya nga ginagamit sa produksyon sang mga agricultural products.
Dugang pa ni Duterte nga ini ang kabangdanan kon nga-a makabig nga weakest link sang ekonomiya sang Pilipinas ang agriculture sector.
Sa pihak sini pursigido naman ang gobyerno nga maghimo sang mga programa nga magabatak sa palangabuhian sang mga mangunguma kag mangingisda nga tuman ka importante ang ginauyatan nga papel sa pungsod bangud sila ang nagahatag sang pagkaon sa mga pumuluyo.
(photo from web)
