Pagadian City, Zamboanga del Sur- Magpahigayon na usab ug Licensure Examination for Teachers kun LET ang buhatan sa Professional Regulation Commission kon PRC karong umaabot nga adlawng Domingo, Septembre 24, 2017.
Kini gilangkuban sa mga graduado sa kursong BEED kun Bachelor of Elementary Education lakip na ang kurso nga BSED kun Bachelor of Secondary Education nga diin ang Pagadian City mao ang napili nga venue niini.
Adunay 10,750 ka mga Examinees nga gusto mopailalom sa mao nga eksaminasyon samtang anaay 20 ka mga tunghaan ang magamit isip Testing Center, 513 usab ka mga classrooms ang pagaablihan niining adlawa.
Giawhag sa naasoy nga buhatan nga alas 6:00 pa lang sa buntag kinahanglan nga anaa na ang matag Examinee lakip na ang mga Room Watchers, Attendance Supervisors, Building Supervisors, Floor Supervisors ug nga Supply Aid nga nakadistino sa matag Testing Center aron sa ingon niana mapatuman ang husto nga oras nga nakatagana sa nahisgutan nga Exam.
Dugang pa niini, limitado lamang ang oras sa mga BEED Examinees, kutob lamang sa alas 2:00 ang takna sa hapon, samtang ang mga econdary Examinees , tibouk adlaw ang gigahin alang kanila, hangtud sa alas 6:30 sa gabii.
Kalabot pa niini, hugot nga seguridad ang ipatuman ngadto sa matag testing center aron malikayan ang possible nga mga kagubot o dile ba kha mga eregularidad sa pag[ahigayon sa maong pasulit. Anaa ang mga personahe sa PNP, AFP, lakip na usab ang napili nga personahe sa NBI ang ipakatag sa matag testing center.
