Sarangani Province—Gikumpirma ni Police Senior Inspector Rodel Javison, ang hepe sa Maitum Municipal Police Station nga dunay natigayong pagbusikad sa ilang area kagabie.
Matud ni Javison nga alas 7.00 ang takna dihang natigayon ang pagbuto sa eksplosibo duol sa highway nga bahin sa Barangay Calaong Maitum. Wala hinuoy natalang patay o samaron sa panghitabo.
Dugang pa ni Javison nga sa pagkakaron nagpadayon pa ang ilang imbestigasyon kung kinsa ang mga responsible ug unsay motibo sa pagpabusikad.
Ginasuta na usab sa Explosive Ordnance Division unsa nga matang sa explosibo ang mibuto. (Jordan Britos)
Facebook Comments
