Ginaawhag ni South Cotabato Provincial Election Supervisor Atty. Jay Gerada ang mga botante sa probinsya nga wala pa nakaparehistro nga luyag magpartisipar sa Mayo 2022 nga eleksyon nga magparehistro na kadungan sang pag-umpisa sang ekstensyon sang voters registration subong nga adlaw.
Suno kay Atty. Gerada ini tungod tubtob lamang sa Oktubre 30 subong nga tuig ang ekstensyon sang voters registration.
Paklaro pa ni Gerada nga wala na sang ipatuman nga satellite registration kundi sa mga comelec offices na lang sa probinsya ang voters registration.
Dugang pa niya nga bukas lamang ang mga comelec offices Lunes tubtob Biyernes nga adlaw magluwas lamang sa Oktubre 30 nga ulihi nga adlaw sang registration.
Magaakumudar naman sang magparehistro ang mga opisina sang Comelec alas 8:00 sang aga tubtob alas 5:00 sang hapon.
