El pulisiya regional ya anuncia pacifico el conducida del barangay y SK eleccion na entero region.
Asegun con el portavoz del PRO9 si Chief Insp. Helen Galvez amediante del reportao sinco maga alegao incidente relatao na eleccion ya sosede na entro region, pero ya consigui el mencionao ocacion y nohay cosa ya sale destorbao.
Si Galvez ya habla alas 7 ya del noche del Lunes nohay pa sila resivi report que tiene soseso que ya sale destorbao el barangay y SK elccion.
Mismo el Commander del PRO9 si Chief Supt. Billy Beltran amo ya encabesa con el su team para hace el checquiada na todol lugar bajo na su mando aber para puede mira el actuial situacion.
Total de 5,195 personajes del PRO9 el ya pone na diferentes escuela na enterio region para dale seguridad con el 1, 883 maga voting places. El buen resulta del seguridad na region un indicacion que el maga otoridad, ta refirri con el pulis y militar ya trabaja mucho para nohay cosa pasa durante el mencionao actividad del gobierno
