ELECTION 2019 | Capiz Governor Tony del Rosario kag mayorality candidate Atty. Ronnie Dadivas, nagapangatubang sang petition for disqualification sa COMELEC!

Roxas City, Capiz – Nagapangatubang subong sang petition for disqualification si Capiz Governor Tony del Rosario kag Roxas City mayoralty candidate Atty. Ronnie Dadivas.
Ini matapos nga si PDP-Laban Provincial Chairman Essex Quintia ang nagpadala sang amu nga petition sa Comelec nga naga-insister nga ginbayolar sang duha ang probisyon nga nakabutang sa Omnibus Election Code.
Sa amu nga petisyon, ginpunto ni Quintia nga maathag nga bayolasyon ang pag-appoint ni del Rosario kay Dadivas bilang Community Affairs and Special Program Director for Gender and Development(GAD) matapos man nga ang Omnibus Election Code ang nagasiling nga dapat nakaresign na ang isa ka kandidato sa anuman nga “appointive office ukon position matapos ini ang nagfile sang certificate of candidacy(COC). Ginpunto ni Quintia nga bayolasyon man ang ginhimo ni del Rosario nga pag-appoint kay Dadivas sa amu nga posisyon bangud ini ang wala sang konsultasyun kag pahanugot sang Sangguniang Panlalawigan.
Nahibaloan nga antes nagfile sang iya COC sang nakaligad nga Oktubre 25, 2018, nangin provincial legal chief si Dadivas.
Base sa apat ka panid nga complaint, ginsiling ni Quintia nga makabig nga may iregularidad sa liwat nga pag-hire ni del Rosario kay Dadivas sang Oktubre 31, 2018 bilang hepe sang Community Affairs and Special Program director para sa GAD matapos ini ang nagfile sang COC. Bukas ang waragwagan sang dyVR RMN Roxas sa anuman nga sabat sang gobernador kag ni Dadivas.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments