Davao City – Wala sumala pa gidili sa Commission on Election (COMELEC)-XI sa mga pulitiko ang pagpatim-aw atol sa Palarong Pambansa 2019.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gisaysay niini nga walay palisiya ang buhatan nga nagdili sa mga kandidato nga mupakita atol sa maong aktibidad.
“Wala pud tay guidelines with regards that one, as long as mo-follow lang gihapon sila sa rules and regulation. Wala man pud tay gipagawas nga pagbawal ana kung mag campaign sila or magpakita sila dito ana nga mga time,” saysay niini.
Segun ni Caballero nga walay specific prohibition labot sa exposure sa mga kandidato atol sa maong sporting event nga ipahigayon dinhi sa dakbayan.
Nasayran nga sugdan ang maong aktibidad karong Dominggo, Abril 28, 2019 diin liboan ka mga atleta gikan sa nagkalain-laing rehiyon sa nasud ang muharong sa maong dakong aktibidad sa paugnat sa kusog.
RadyoMaN Kirby Manzon
