Davao City – Nagpagula karon ang Police Regional Office 11 (PRO-XI) og talaan kabahin sa nakalapas sa COMELEC gun ban subay sa umaabot nga May 14 Barangay ug SK Election.
Sa gipagulang datos ni PRO-XI spokesperson P/Chief Inspector Milgrace Driz, mokabat sa 35 na ka mga indibidwal ang naaresto sa tibuok Rehiyon 11 diin adunay 19 ang nadakpan sa Davao City Police Office (DCPO), 4 sa Davao del Norte Provincial Police Station (DNPPO), 5 sa Davao del Sur Provincial Police Office (DSPPO), 1 sa Davao Oriental Provincial Police Office (DOPPO), 2 sa Davao Occidental Provincial Police Office (DOCPPO) ug 4 ka mga indibidwal ang nakalapas sa gun ban sa Compostella Valley Provincial Police Office (CVPPO).
Base sa maong datus, 28 niini ang nakustodiyang short firearms, 3 ang sa sumpak, 11 ka bladed weapons, 4 sa granada, 9 sa uban pang explosives ug 148 ka mga ammunition.
Sumala ni Driz, ang maong mga datos natala sukad gahapong adlawa, Mayo 6 ug nakalapas sa Gun Ban violation sa RA 10591 ug Omnibus Election Code of the Philippines.
RadyoMaN Jason Amisola
