Giagahat sa Simbahang Katoliko ang mga magtutuo nga mag-ampo alang sa nagkaduol nga Barangay ug Sangguniang Kabataan Elections.
Matud ni Catholic Bishops Conference of the Philippines o C-B-C-P Secretary General Father Marvin Mejia gipasugdan na nila kagahapon ang pag-ampo sa matag misa nga gapangayo og kaalam alang sa pagpili sa mga kandidatong naningkamot alang sa kamatuoran, katarungan ug pagpataas sa dignidad sa tawo.
Gipasabot ni Father Mejia nga ang pag-ampo nga nakasulat sa pinulongang Ingles, Filipino ug Cebuano, ampoon sa tanang mga misa hangtud sa bisperas sa Eleksyon.
Matud sa maong pari nga kauban sa hangyo sa maong pag-ampo ang maayong pagpili sa mga opisyal sa Barangay nga magsilbing tingog sa mga pobre, luya, gidaog-daog ug mga giabandona.
