Roxas City, Capiz – Siyam subong ka mga kabanwahanan ang ginatutokan sang Capiz PNP may kaangut sa nagahilapit nga 2019 local kag midterm election.
Suno kay CPPO Provincial Director S/Supt Canilo Fuentes, ang mga ini ang ginalakipan sang Tapaz, Cuartero, Jamindan, Maayon, Dumarao, Dao, Pontevedra, Panit-an kag Panay.
Samtang wala man ginadula ang banwa sang Pilar kag President Roxas.
Ang nasambitan nga mga banwa suno diri ang ginapahayag may yara sang presensya sang terorista nga NPA ukon nagaluntad ang mainit nga kompetisyon sa tunga sang mga kandidato sa tiun sang eleksyon.
May kaangut sini, natalana nila nga iga-activate ang Provincial Election Infocenter para sa madasig ang paghatag sang impormasyon kun may yara sang mahanabo nga kalakasan ukon insidente.
Nahibaloan nga sa maabot nga Enero 13, 2019 maga-umpisa ang election period. Samtang base sa ila nga intelligence monitoring, ginsiling ni Fuentes nga wala pa sila sang may nababaton nga mga report angut sa extortion activities sa mga nagapadalagan nga kandidato.
