Roxas City, Capiz- Maga-umpisa na buwas nga adlaw, Abril 14 ang election period para sa Synchronized Barangay kag Sangguniang Kabataan Election.
Base sa calendar of activities sang Comelec, maga-umpisa na ang pag-akseptar sang mga certificate of candidacies tubtob sa Abril 20, 2018.
Santo sa Comelec Resolution No. 10246, ginatalana ang election period halin Abril 14 tubtob Mayo 21 kun sa diin epektibo ang total gun ban ukon hugot nga ginabawal ang pagdala sang mga armasluthang kag anuman nga makamamatay nga hinganiban.
Ginadumili man ang pag-transfer ukon detail sang opisyal kag empleyado sa civil services lakip ang mga manunudlo.
Ginabawal man ang pagsuspinder sa isa ka elective provincial, city, municipal ukon barangay officer.
Halin naman sa Mayo 4 tubtob Mayo 12 ang campaign period sa mga naga-kandidato kag sa Mayo 14 amo na ang eleksiyon.
