General Santos City–Gipangandaman na sa Cemelec ang Special election alang sa mga mudagan pagka- kongresista sa unang distrito sa South Cotabato ug lone district sa Gensan nga gitakda karong umaabot nga Oktobre 26.
Matud ni Atty. Michael Abas sama sa nakalabayng election susama lang gihapon ang ilang gamiton nga VCM apil na ang mga BEI’s.
Kahinumduman nga una nang gisuspendi ang eleksiyon alang sa mga representante sa South Cotabato human nga gisiak ang Gensan gikan sa unang distrito sa South.
Sa Comelec Resolution 10551, gitakda ang filing sa certificates of candidacies sa Agosto 26 hangtod sa 28.
Samtang uwahing adlaw sa filing sa correction sa pangalan sa mga kandidato sa balota gitakda karong Setyembre 11. Ang mga substitute candidates mamahimo usab nga mo -file ug COC hangtod sa Setyembre 16.
