Mukabat sa 90 ka mga barangay sa probinsiya sa Bukidnon ang gideklarang election watchlist areas kon EWAS.
Sa interview sa RMN Malaybalay ngadto kang PSI Jisell Longakit, ang spokesperson sa Bukidnon Provincial Police Office, gibutyag niini nga sa 464 ka mga barangay sa probinsya anaa sa 90 ang gideklarang EWAS.
Mukabat sa 17 ka mga lungsod apil na ang duha ka siyudad sa Bukidnon ang ilang gitutukan alang sa nagsingabot nga eleksiyon sa May 14.
Naglangkob kini sa 7 sa lungsod sa San Fernando; Quezon- 7; Don Carlos – 1;
Dangcagan- 3; Lantapan – 9; Talakag- 8; Valencia City 4; Malaybalay City- 10; Pangantucan- 3; Impasug ong – 6; Sumilao- 3; Manolo Fortich- 4; Cabanglasan- 2; Kitaotao-10; Baungon- 9; Libona- 1; Kibawe-3.
Matud ni Longakit nga aduna silay upat ka parameters kon guidelines sa pagdeklara sa EWAS.
Category 1 kung adunay presensiya sa armed group ug adunay hugot nga political rivalries sa barangay.
Category 2 kung adunay hulga sa presensiya sa New Peoples Army kon NPA.
Ug category 3 kung adunay presensiya sa category 1 ug 2.
Samtang category 4 kung under comelec control na ang usa ka barangay.
