Davao City – Migula nga electrical short circuit ang rason sa pagkasunog sa usa ka tindahan alas 9:00 sa gabii niadtong Agosto 11, adlaw’ng Sabado, sa may Marla Compound, Km. 9, Sasa, ning syudad sa Davao.
Sa interbyu kang Senior Fire Officer FO2 Rogel John Aloselha, kalit na lamang misilaob ang wala napasagdaang tindahan nga gipanag-iyahan ni Rosita Tubang, 48 anyos, minyo, residente sa Purok 8, Doña Salud Subd., Km 10, Sasa ning dakbayan diin gama sa light materials ang maong imprastraktura nga miresulta sa paspas nga pagkuyanap sa sunog.
Gibana-banaang kapin kun kulang P20,000 ang damyos sa maong sunog ug walay na-aangol ingon man casualties.
RadyoMaN Jason Amisola
Facebook Comments
