Gipahayag karon sa Bureau of Fire Protection kon BFP Region 10 nga adunay 459 ka mga insidente sa sunog ang ilang natala sa tuig 2018 sa tibook rehiyon 10.
Sa interview sa RMN Malaybalay ngadto kang Noli dela Rita, ang BFP 10 Regional spokesperson gibutyag niini nga sa maong datus 75 niini adunay kalambigitan sa pagluto, 47 sa pagdagkot ug kandila, 26 ang paggamit sa puspuro, 31 niinig ang pagpanigarilyo, 8 ang paghaling ug pagdaob sa palibot.
Matud ni dela Rita nga pinakadaghang hinungdan sa sunog usab nga natala ang adunay kalambigitan sa electrical in nature diin adunay 198 ka kaso.
Maong gipahimangno niini nga kinahanglang bantayan ang mao mga hinungdan aron malikayan ang sunog.
Kung magluto siguruhon nga napalong sa dili pa mulakaw ug biyaan ang giluto.
Gipahimangnoan usab niini ang mga manigarilyuhay nga likayan gayod kini ilabina kung paingon matulog.
Sigun sa BFP nga man-made calamity ang sunog nga mamahimo usab nga mapugngan sa usa ka tawo.
Nasayran nga natala ang pinaka-unang sunod sa dakbayan sa Malaybalay niadtong Sabado sa Barangay 10, Impalambong ning nga nagbilin ug 7,000 ka nga damyos.
