Davao City – Gipusil-kritikal ang usa ka electrician sa Abad Santos Street, Brgy. Magugpo Poblacion, Tagum City alas 3:30 kagahapong adlawa.
Sa report gikan sa Police Regional Office kun PRO XI, giila ang biktima nga si Joseph Mosquito Lucena, hingkod ang edad, electrician ug residente sa Purok Madasigon, Mabini, Compostela Valley province.
Sa imbestigasyon sa kapulisan, samtang nagtindog ang biktima sa usa ka sidewalk, usa ka wala mailhing suspek ang mipusil kaniya igo sa nagkadaiyang parte sa lawas niini diin ang suspek daling misibat sa wala matinong lugar.
Daling gidala ang biktima sa balay tambalanan apan sumala sa attending physician, anaa pa sa coma stage ang biktima.
Sa karon, naglusad na og follow up investigation ang kapulisan sa nahitabong insidente aron masuta ang motibo sa pagpamusil ug aron madakpan ang suspetsado.
RadyoMaN Renz Barbarona
