Eleksyon sa Association of Barangay Captains sa South Cotabato ginahingyo nga padasigon na.

Ginahingyo sa subong ni Governor Daisy Avance Fuentes sa Department of Interior and Local Government ukon DILG South Cotabato nga kon mahimo padasigon man ang eleksyon sa Association of Barangay Captains sa city, municipal kag provincial level tungod nagagirinamo na kag grabe na ang pamolitika.
Samtang ginpasalamatan ni Governor Fuentes nga ginpadasig sang DILG ang SK eleksyon tungod wala tanto naimpluwensyahan sang mga politikokag makabig nga mature na ang mga nagdaug nga opisyal sang mga kabataan sa probinsya matapos nga luyag niya nga pagtrabahuon gid ang mga ini kambyo sang daku nga sweldo kag honorarium nga mabaton sang mga ini.
Samtang suno kay DILG Provincial Director Aurora Andrea de Pedro tigayon niya naman nga napalab-ot sa taglikom sang ahensya nga kon mahimo padasigon man ang election sa Liga ng mga Barangay sa city, municipal kag provincial level, apang tubtob subong wala pa man sila sang mando nga nabaton matapos nga sa naandan sa bulan sang Hulyo ginapatigayon ang eleksyon sa Association of Barangay Captains.