General Santos City— Hapsay ug malinawon nga natapos ang eleksyon sa Bangsamoro Organic Law kon BOL sa syudad sa Cotabato. Kini ang gibutyag ni Major General Cirilito Sobejana, Commanding Officer sa 6th Infantry Division.
Sumala niya nga gawas sa mga nahitabo nga mga pagbusikad sa granada ug pagka-rekober sa laing usa sulod sa usa ka tunghaan, wala nay naitalang unsa mang kakulian.
Gani panghinaut niya nga kini magpadayon hangtud nga mahuman ang pag-ihap sa mga boto. Rason nga bisan ug tapos ang botasyon, pabilin silang naka-alerto.
Samtang gibutyag ni Major General Sobejana nga gumikan anaa ilalom sa kontrol sa COMELEC ng Cotabato City, sila ang nagapa-abot pa kung kanus-a mujhatag ug direktiba nga pwede ng i-pull out ang tropa sa kapulisan ug militar.
Apan gibuityag niya nga magdepende gihapon kini sa sitwasyon sa Cotabato gumikan wala pa sila masayud kung kanus-a mahuman ang iphanay sa boto.
Sa karon matud pa ilaha pang ginasuta ang siguridad sa tibuok syudad sa Cotabato ug higayon nga masigurong wala nay bahad sa siguridad, ilaha ng i-pull out ang mga nasangpit ug ibalhin sa probinsya sa North Cotabato.
