Ellen Adarna Buntis ug si John Lloyd Cruz ang amahan.
Buntis ang sexy star nga si Ellen Adarna og ang matinee idol nga si John Lloyd Cruz maoy amahan sa maong bata nga naa sa iyang sabakan karun.
Si Ellen mismo ang nikumpirmar niini ngadto sa iyang mga suod nga higala. Matud pa ni Ellen nga maselan karun ang iyang pagbuntis. Duha na ka mga higayon nga gidungog-dungod nga buntis ang 29-anyos nga Kapamilya talent.
Sa susamang report sa maong source, nga ang iyang pagbuntis mao daw ang rason kung nganong gi-extend ni John Lloyd ug Ellen ang ilang bakasyon ngadto sa Europa.
Kini sab daw ang rason kung nganong wala ka apil si Ellen sa mga artista nga morampa unta sa Under The Stars, ang Bench denim and underwear fashion show nga gipahigayon sa MOA Arena kagahapon adlawa Sabado sa gabii, Nobyembre 18.
Determinado man daw silang Ellen ug John Lloyd nga ampingan ang pagbuntis karun sa sexy star.
Karung tuiga lang nagsugod og gawas ang maong balita sa relasyon ni Ellen sa 34-anyos na Kapamilya actor. Kini human nang-gawas ang mga litrato nilang duha sa social media sa ilang panag-uban sa lain-laing mga lugar.
Mas mingtoo ang mga tao nga adunay espesyal nga relasyon sa duha human nikatag ang ilang video sa ilang bakasyon sa Bantayan Island, sa Cebu niadtong buwan sa Setyembre.
Ning’ Oktubre lang ang duha ming langway ngadto sa Europa human magdesisyon ang preyadong actor nga mag-leave of absence una sa iyang showbiz career.
Wala pay pormal nga anunsyo ang mga talent management companies nila ni Ellen ug John Lloyd mahitungod ining pagkabuntis ni Ellen.
Source: Pep.ph
