CAUAYAN CITY – NATANGGAP NA NG MGA MAGSASAKANG ISABELINO ANG KANILANG EMANCIPATION PATENT AT CERTIFICATE OF LAND OWNERSHIP AWARD, PATI NA RIN ANG CERTIFICATES OF CONDONATION WITH RELEASE OF MORTGAGE, NOONG DISYEMBRE 15, 2025, SA KANILANG PAGDALO SA REGIONWIDE MASS DISTRIBUTION SA SPORTS COLISEUM, TUGUEGARAO CITY, NA PINANGUNAHAN NG DEPARTMENT OF AGRARIAN REFORM.
AYON SA DAR, ANG PAMAMAHAGI NG EMANCIPATION PATENT AT CERTIFICATE OF LAND OWNERSHIP AWARD AY MAGBIBIGAY NG MALINAW NA PAGMAMAY-ARI NG LUPA SA MGA BENEPISYARYO, HABANG ANG MGA CERTIFICATES OF CONDONATION WITH RELEASE OF MORTGAGE AY MAGPAPALAYA SA KANILA MULA SA NATITIRANG PAGKAKAUTANG, NA NAGLALAYONG MAGPAPAGAAN SA KANILANG MGA PINANSYAL NA PASANIN.
BAHAGI ANG PROGRAMANG ITO NG TULOY-TULOY NA SUPORTA NG PAMAHALAAN SA SEKTOR NG AGRIKULTURA AT SA REPORMANG AGRARYO SA LALAWIGAN NG ISABELA.
PINANGUNAHAN MISMO NI DAR SECRETARY CONRADO ESTRELLA III ANG AKTIBIDAD, KASABAY NG MGA MUNICIPAL AGRARIAN REFORM OFFICERS MULA SA ISABELA.
