CAUAYAN CITY – NAGBABALA ANG NUEVA VIZCAYA POLICE PROVINCIAL OFFICE (NVPPO) SA PUBLIKO KAUGNAY NG ISANG INSIDENTE NG PANLILINLANG NA NAITALA NGAYONG MADALING-ARAW NG DISYEMBRE 16, 2025.
AYON SA ULAT, ISANG INDIBIDWAL ANG UMANO’Y NAGPANGGAP NA MATAAS NA OPISYAL NG PULISYA AT HUMIHINGI NG PERA SA PAMAMAGITAN NG TAWAG AT ONLINE MESSAGING APPLICATIONS.
BINIGYANG-DIIN NG NVPPO NA WALANG LEHITIMONG MIYEMBRO NG PHILIPPINE NATIONAL POLICE ANG HUMIHINGI NG PERA O NAG-UUTOS NG AGARANG PADALA NG SALAPI SA PAMAMAGITAN NG TEXT, TAWAG, O INTERNET-BASED NA KOMUNIKASYON.
AGAD NA KUMILOS ANG CYBERCRIME UNIT NG NVPPO UPANG IMBESTIGAHAN ANG INSIDENTE AT TUKUYIN ANG PAGKAKAKILANLAN NG NASA LIKOD NG NASABING MODUS.
HINIMOK ANG PUBLIKO NA MAGING MAINGAT, BERIPIKAHIN ANG ANUMANG KAHINA-HINALANG MENSAHE O TAWAG, AT I-REPORT KAAGAD ANG GANITONG MGA INSIDENTE SA PINAKAMALAPIT NA HIMPILAN NG PULISYA UPANG MAIWASAN ANG PANLILINLANG.
