Davao City – Tungod kay dili matagna kung kanus-a molinog hinungdang dunay himoong mga pagpangandam aron makalikay sa diskrasya o kamatayon pinaagi sa earthquake drill.
Sumala ni Prime Cruz, Kabalikat Civicom Davao City Chapter Head, tumong sa drill mao ang pagtudlo sa techniques o procedures sa mga tawo kung unsaon paglikay sa disgrasya o kamatayon sa higayong dunay linog nga matigayon.
Matud ni Cruz, usa sa tenchnique dinhi mao ang ‘duck, cover and hold’, kung naa sulod sa balay ang mga lamesa ug bangko mamahimo natong himoong ‘object of protection’.
Gipasabot ni Cruz, importante kaayo ang mga mga earthquake drills diin diha sa kabarangayan, magmugna usab og Disaster Action Team, Evacuation Plan, mga dalan padulong sa evacuation centers ug mga emergency bags o ‘Go Bags’ nga dunay sulod nga mga pagkaon, medisina flashlight ug tubig mainom ug uban pa kansang dalhon sa higayong dunay kalamidad.
RadyoMaN Bernard Pantallon
