Nangin emosyunal ang pila mga residente sang Marawi City sa pagbisita sa ila mga puluy-an nga yara sa most affected area ukon MAA.
Ini matapos ginpahanugutan sang mga militar ang 1,200 ka pamilya sa pinaka-una nga kahigayunana nga balikan ang ila mga puluy-an kag mga pagkabutang matapos ang giyera.
Gintunga sang Task Force Bangon Marawi sa siyam ka sector ang MAA kon sa diin isa-isa nga pagabuksan sa mga residente ang kada sector.
Ginhatagan sang tatlo ka adlaw ang mga residente kag ang mga negosynate agud inspeksyunon ang ila mga pagkabutang.
Hugot man ang pagbantay sang mga suldado agud masiguro nga indi maglapaw ang mga residente sa lugar kon sa diin lang sila mahimo makabisita bangud wala pa natapos ang clearing operation sa bilog nga syudad.
(photo from web)
