Daw sa dili masabot ang gibati nga kaguol sa usa ka ginang nga tigbantay sa Sta Filomena Church, samtang mitaho kini sa kapulisan sa Rizal human gisulod sa wala maila nga kawatan.
Ang caretaker sa maong simbahan mao si Juliet Lomongo Ysaal, 59 anyos, molupyo sa North Mapang, Rizal.
Subay sa imbistigasyon sa kapulisan niadtong adlawng sabado 2:00PM gisulod kini sa kawatan, dako ang katingala ni Juliet nga wala na ang usa ka LG TV 40-Inch ug usa ka Equalizer gibana-bana kining mokantidad sa P38,000mil nga gipag-iya sa Sta. Filomena Chapel.
Dugang pa, ang kawatan mi agi kini sa atubangan pinaagi sa pagputol sa puthaw nga rehas ginamit ang steel saw.
Nakuha crime scene ang duha kabuok nga pinutol nga puthaw, usa ka flat screw ug mga plastic straw.
Sa pagkakaron blanko pa gihapon ang kapulisan sa Rizal kun kinsa ang responsible sa maong pagpangawat.
