Arestado ang isa ka contractual government employee sa ginpatigayon nga buy-bust operation sa Aguinaldo Street, Brgy. Sta. Cruz, Koronadal City South Cotabato, kahapon nga adlaw.
Ginkilala ang suspek kay Jamil Manara Desamito, 40-anyos, driver kag residente sang Koronadal City,
Ang operasyon ang ginpatigayon sang PDEA South Cotabato Provincial Office, South Cotabato Provincial Drug Enforcement Unit kag Koronadal City Drug Enforcement Unit.
Nakuha sa suspek ang duha ka sachets sang shabu nga may kabug-aton nga more or less 12 grams nga nagakantidad sang Php 81, 600.00 kag buy-bust money.
Ang suspek suno pa ang nagabaligya sang illegal drugs sa Koronadal City kag may ginapangatubang na nga kaso sa pagbayolar sa RA 9165.
Kaso naman nga pagbayolar sa Section 5, Article II sang RA 9165 ang ipasaka batok sa suspek nga yara sa subong sa Custodial Facility sang PDEA 12.
