General Santos City—igo nalang sa pagreport sa buhatan sa Police Station 6 ang usa ka empleyado sa pribadong kumpanya human nga kini gilabnihan ug Cellphone samtang kini nag-atang ug sakyanan sa may J. Catolico Avenue, Barangay Lagao, Gensan.
Naila ang biktima nga si Keyzell Mae Barte, 24, residenti sa Carcon Vill, Barangay Lagao, Gensan.
Alas 7:25 ang takna sa gabie samtang nag atang ug tricycle ang nasangpit nga biktima sa may J. Catolico atubangan sa usa ka restaurant kalit lang miagi sa iyang atubangan ang usa ka motorsiklo nga Honda wave kolor itom nga gimanihuan sa usa ka lalaki.
Kalit gilabni ang iyang mahalong cellphone nga kantidad ug P20,000.00. Paspas usab nga misibat ang suspek palayo sa lugar samtang ang biktima wala nay nahimo pa gumikan sa dakong kakurat.
Sa karon padayon ang gihimong imbistigasyon sa kapulisan kalabutan sa insidenti.
